2018 жылдың 30-шы наурызда «Атырау облысы кәсіподақтар орталығы» аумақтық кәсіподақтар бірлестігі Мемлекеттік қызмет істері және сыбайлас жемқорлыққа қарсы іс-қимыл агенттігінің Атырау облысы бойынша Департаментімен бірлесіп «Сыбайлас жемқорлыққа қарсы мәдениетті қалыптастыруда еңбек ұжымдарының рөлі» атты тақырыпта облыстық семинар-кеңес өтті.
Семинарға Атырау облысы Кәсіподақ орталығының Төрағасы С.Елеманов, ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Атырау облысы бойынша департаментінің басшысы Т.Жұмағұлов, «Мұнай-газ кешені қызметкерлерінің салалық кәсіптік одағы» қоғамдық бірлестігінің Атырау облысы филиалының төрайымы С.Рахимова және салалық кәсіподақ басшылары мен қызметкерлері қатысып сыбайлас жемқорлыққа қарсы мәдениетті қалыптастыруда еңбек ұжымдарының рөлі талқыланды.